প্ৰশিক্ষণ পাঠ্যক্ৰম

ৰাজ্য চৰকাৰৰ বিষয়াসকলক সচেতন কৰাৰ লক্ষ্যৰে কেন্দ্ৰই ২০১৬-১৭ বিত্তীয় বৰ্ষত ১০ টা প্ৰশিক্ষণ কাৰ্য্যসূচী সম্পন্ন কৰে। এই সময়ছোৱাৰ ভিতৰত ‘ইন’ভেশ্যন এণ্ড ফিউছাৰ ষ্টাডিজ’, অসম প্ৰশাসনীয় পদাধিকাৰী মহাবিদ্যালয় আৰু ‘ইউ এন ডি পি’ ৰ সৈতে একেলগে কাম কৰি কেন্দ্ৰই ‘চি এম এছ জি ইউ ৱাই’ ৰ ওপৰত ইন’ভেশ্যন পৰীক্ষাগাৰৰো কাৰ্য্য সম্পাদন কৰে। ইয়াৰ পিছত ২০১৬ চনৰ ডিচেম্বৰ মাহত নীতি আয়োগ, পৰিৱৰ্তন আৰু উন্নয়ন বিভাগ, ৰাষ্ট্ৰসংঘ, আৰ আই এছ আৰু বিজনানা ভাৰতীৰ সহযোগত কেন্দ্ৰই হিমালয় অঞ্চলত মানুহৰ বসতি স্থাপনৰ বাবে ‘এছ ডি জি’ৰ বিষয়ক পৰামৰ্শ প্ৰদানৰ বাবে দুদিনীয়া আঞ্চলিক পৰামৰ্শ প্ৰদান কাৰ্য্যসূচী সম্পন্ন কৰে
২০১৭-১৮ বিত্তীয় বৰ্ষৰ আৰম্ভণিৰ সময়ছোৱাত ৰাজ্যত ‘এছ ডি জি’ৰ উন্নয়নৰ প্ৰতি লক্ষ্য ৰাখি কেন্দ্ৰই অসম চৰকাৰৰ পৰামৰ্শক্ৰমে ইয়াৰ দৈনন্দিন পাঠ্যক্ৰম/কাৰ্য্যসূচীৰ পৰিৱৰ্তন সাধন কৰি ইয়াক সামৰ্থ্য গঢ়নৰ পৰা চৰকাৰী বিভাগৰ ৰণনীতি আৰু কাৰ্য্য পৰিকল্পনাৰ চূড়ান্তকৰণ কৰি ইয়াক ‘এছ ডি জি’ৰ তৃণমূল পৰ্যায়লৈ অনাৰ দিশলৈ পৰ্যবসিত কৰে।

এই অনুসৰি ২০১৭-১৮ বৰ্ষৰ কাৰ্য্য পৰিকল্পনা আৰু কাৰ্য্যসূচীৰ তালিকা তলত উল্লেখ কৰা হ’ল:

অন্যান্য জড়িত বিষয়

প্ৰশিক্ষণ কাৰ্য্যসূচী, কৰ্মশালা আৰু আলোচনা সভাৰ আয়োজনৰ উপৰিও কেন্দ্ৰই ৰাজ্যৰ এছ ডি জি উদ্যোগ গ্ৰহণৰ সৈতে জড়িত হৈ থকা প্ৰধান অংশীদাৰ সকলক বিস্তৃত নীতি আৰু কাৰ্য্যপন্থাৰ আৰ্হি গঠন আৰু সংসাধনৰ দিশত পথ প্ৰদৰ্শন আৰু প্ৰযুক্তিগত সাহাৰ্য্য আগবঢ়াই আহিছে। তদুপৰি অসমত ‘এছ ডি জি’ৰ কাৰ্য্যকাৰিতা লাভৰ বাবে সময়মতে ইয়াৰ উন্নয়নৰ মূল্যায়ন কৰিবৰ অৰ্থে ফলপ্ৰসূ পৰীক্ষণ আৰু মূল্যায়ন ব্যৱস্থা স্থাপন কৰা হয়। এই ক্ষেত্ৰত তলত উল্লিখিত কাৰ্য্যসমূহত কেন্দ্ৰ সক্ৰিয়ভাৱে জড়িত হৈ পৰে :

অংশীদাৰিত্ব

এটি নিৰ্ধাৰিত সময়সীমাৰ ভিতৰত এছ ডি জি এছ লাভ কৰাৰ ক্ষেত্ৰত অংশীদাৰিত্বই গুৰুত্বপূৰ্ণ ভূমিকা পালন কৰে। এই নীতি সাৰোগত কৰি ৰাজ্যত ‘এছ ডি জি এছ’ৰ সঠিক পৰিকল্পনা আৰু পৰ্যবেক্ষণৰ বাবে কেন্দ্ৰই ইউনাইটেড নেশ্যনছ ডেভেলপমেণ্ট প্ৰগ্ৰাম, ইউনাইটেড নেশ্যনছ ইণ্টাৰনেশ্যন্যাল চিলড্ৰেনছ এডুকেশ্যন ফাণ্ড আৰু ইয়াৰ সহযোগী সংস্থাসমূহ, অ কে ডি ইনষ্টিটিউট অৱ চছিয়েল চেঞ্জ এণ্ড ডেভেলপমেণ্ট, কোলিশ্যন ফৰ ফুড এণ্ড নিউট্ৰিশ্যন ছিকিউৰিটী আৰু টি ই আৰ আই উত্তৰ-পূৰ্বাঞ্চলৰ সৈতে অংশীদাৰিত্ব স্থাপন কৰিছে। ৰাজ্যত ‘এছ ডি জি’ৰ পৰিকল্পনা আৰু কাৰ্য্যক্ৰমসমূহৰ সফল ৰূপত সংসাধনৰ বাবে অন্যান্য শিক্ষা প্ৰতিষ্ঠান, উদ্যোগ আৰু চিভিল চছাইটিৰ সৈতে কেন্দ্ৰই অংশীদাৰ ৰূপত কাৰ্য্য সম্পাদন কৰি আহিছে।